।। प्रभाती करनल मां री ।।
सोर प्रभाती सुणो सुख सरणी जागो हे अब जगदंबा अम्बां।
भाव सुणो भगती मन भावन तुम जागो करनल किनियाणी ।
जागो जागो जागो जगदंबा अम्बा जागो धर्म पत धणियायी ।
मां जागो करनल किनियाणी ।(१)
भोर भई है मात भवानी वरदा सुणो मां सुर वाणी ।
शिव ब्रम्हा विश्णु सुख साधत पिण्ड पखाळो पवित पाणी ।
जागो जागो जागो जगदंबा अम्बां ,मां जागो धर्म पत धणियाणी ।
मां जागो करनल किनियाणी ।(२)
हिगलाज अवतार लिया हजारां मां वरणी पातां वेद वखाणी ।
शिव घरणी सरणी जन सहायक मां उर ममता री ओळखाणी ।
जागो जागो जागो जगदंबा अम्बां , मां जागो धर्म पत धणियाणी ।
मां जागो करनल किनियाणी ।(३)
नवरात्री नवेलाख नवेली नवखंड नवधा धायी तोय धणियाणी ।
कण कण में कळा करनल री विधाता वरदान वखाणी ।
जागो जागो जागो मां जगदंबा अम्बां मां जागो धर्म पत धणियाणी ।
मां जागो करनल किनियाणी ।(४)
कव अम्ब अटल आपरे आसरे परचा पद पद परम पहचाणी ।
करणी करनी किरपा करणी साय सदा नंद सुरवाणी ।
जागो जागो जागो जगदंबा अम्बां मां जागो धर्म पत धणियाणी ।
मां जागो करनल किनियाणी ।(५)
आम्बदान जवाहरदान देवल