दुबारे छक आज्यो जी डाढाळघणी खम्मा घंटियाळ।

दुबारे छक आज्यो जी डाढाळ
घणी खम्मा घंटियाळ।
दुबारे छक आज्यो जी डाढाळ (टेर)

दाखां री कादंबरी,काढी चतुर कलाळ!
सो पीज्यो मेहा सदू,बांका कोट बिचाळ!१!

छकी सुरा डोरा सुचल,तेड़ दहूं चिरताळ!
गज हलकारो गंजणो,ललकारो लंकाळ!२!

डाई लुंका दाहनी,मालाळी मृगमाळ!
ऐहड़ा सुगनां आवज्यो,सन्मुख लेय सुंडाळ!३!

सुळा मद राखे सदा,पाखे खेतरपाळ!
करी हाजिर लटियाळ कहे,अरोगो घंटियाळ!४!

आच्छा राखण इंद्र ने,आज्यो खूड़द ऊंताळ!
सुररायां निज शेर ने,फेर भराज्यो फाळ!५!

है कविया हिंगलाज रे,बिल्कुल धोळा बाळ!
आं धोळां री आबरू,राखीजे छतराळ!६!
🌹🙏🌹🙏🐆🙏🌹🙏🌹