शरणे लेल्यो सा थारां चरण चंडी रा अगवाण मतवाला म्हाने शरणे लेल्यो सा

शरणे लेल्यो सा थारां चरण चंडी रा अगवाण
मतवाला म्हाने शरणे लेल्यो सा

मैं मतिमूढ़ हीन सब गुण में,ना मन मे कुछ भाव
पण थारां दर्शन बिन बीरा,जीवण रो नही चाव
मतवाला म्हाने शरणे लेल्यो सा….

मनडे मांहि गोरा काला , छवि तिहारी छाय,
हुक्म करंता चीर काळजो,चरणा देवूं चढाय,
मतवाला शरणे लेल्यो सा….

डम डम नाद करंता डमरू कर धार्या किरपाळ,
घूघरिया पग रा गरणातो,आवो बेग ऊंताळ
मतवाला म्हाने शरणे लेल्यो सा…

गरजी थांसु है गिरिजासुत,सुणो कुंवर री साद,
अर्जी चरण आपरे चाढूं, पल पल आ फरियाद
मतवाला म्हाने शरणे लेल्यो सा….

छाक करूँ बावन बोतल री,हुड़ बावन हरहाल
बावन बीर कोड कर आवो,बिरदावू बिरदाळ,
मतवाला म्हाने शरणे लेल्यो सा…

चीलापति चलकर मण्डपी स्यु सुखधाम सिधाय,
कोट कुंवर गोकुल की सुनकर,ल्यो चरणा लिपटाय,
मतवाला म्हाने शरणे लेल्यो सा…

श्री करणी सुखधाम श्याम बीरा गोरा  प्रतिपाल
आज विराज चढावे चिरजा,भणो देव भोपाळ
मतवाला म्हाने शरणे लेल्यो सा….