भैरूँ आवज्यो दोनों रै भाई चाह छै घणीं !!

भैरूँ आवज्यो दोनों रै भाई चाह छै घणीं !!

मोडरया सूं म्हालज्यो मँडोवरा मणीं !
छत्रधारी छीलाणाँ सूं धावज्यो धणीं !!

हाला प्याला लेता आज्यो घूमता घणीं !
डमक डैरूँ डाक घमक घूघरा तणीं !!

कसन बसन पीत दशन हीर की कणीं !
लटी पटी छुटी जाणीं बटी नागणीं !!

चौसठ्यां रे आगे रहो भैरवा धणीं !
आज बानैं ल्यावज्यो थे आगली अणीं !!

जैसलमेरी ध्यावै थानैं खेतसिंगोतणीं !
सेवकांरी रक्षा राखण बीनती भणीं !!