!!म्हाने दरस दिखावण आवज्यौ!!

हिंगल़ाज वंदना
दोहा
शिवा! उमा! शिवरंजनी, रम्य खंजनी गाल!
गर्व असुरदल गंजनी, भय भंजनि ततकाल!!

छंद नाराच
शिवा! अनूपमेय! शक्ति! सांभवी! मनोहरी! ।
त्रिशूलिनी! भुजंग-कंकणा! , त्रिलोकसुंदरी।
सुभव्यभाल, केश-व्याल, माळ -लाल, कंजनी।
भजामि मात हिंगल़ाज भक्त भीड भंजनी।।१।।
ध्वनि मृदंग ध्रंग ध्रंग चारू चंग बज्जही।
झमाल झांझ, औ पखाज, वेणु वाजती मही।
डमाल डाक डं डमाक राग तान रंजनी
भजामि मात हिंगल़ाज भक्त भीड भंजनी।।२
सुरूपराशि! मंदहासि! इंदु-पूर्ण-आनना!
विशाल लोचनी, कपोलदीर्ध, सिंह-वाहना!
ललामकर्णकुण्डला, सुरम्यगाल खंजनी।
भजामि मात हिंगलाज भक्त भीड भंजनी।।३
गळे सुधार, हेम हार, रत्न मोक्तिकं मणी।
जरी जडाव कांचळी उतंग अंग ओढणी।
प्रवाल लाल ओष्ठ नैण कज्जलं सुअंजनी।
भजामि मात! हिंगलाज! भीड भक्त भंजनी।।४
नवं सुखंड, सप्तद्वीप, भोम आभ री धणी।
बिराजमान राजकोहलागिरीं खमा घणी!
गिराप्रचंडघोरगर्जनीमहाप्रभंजनी!
भजामि मात! हिंगल़ाज! भीड भक्त भंजनी।।५
करालकष्ट-कालकूट-सोखणी भवा! सती!
हणो ज धूर्त रक्तबीज धूम्र-अक्ष दुर्मति।
प्रचंड चंड -मुण्ड -झुण्ड दैत्य -दर्प गंजनी।
भजामि मात हिंगल़ाज भीड भक्त भंजनी।।६
करालरूपकालिका, तथैव श्री स्वरूपणी।
कृपाकदंब! अंब! शारदा सुग्यानरूपिणी।
स्वदास के मनोविकार मंजनी निमंजनी।
भजामि मात हिंगल़ाज भक्त भीड भंजनी।।७
अनूप होत आरती बजंत शंख झालरा!
उडे अबीर कंकु रंग मंदिरां गुलाल रा।
“जयो जयो “वदे “नपो”” नमो नमो” निरंजनी
भजामि मात हिंगल़ाज भीड भक्त भंजनी।।८
© डा नरपत आशिया “वैतालिक”