करुणामयी किनयाणी मोटो आसरो है थारो

!! जय मां करणी !!

करुणामयी किनयाणी मोटो आसरो है थारो
माँ आसरो है थारो…….
दे दर्शन हे डाढाली माँ जन्म सुधारों म्हारो ।स्थाई।

मेहाजी री लाडली देवल दे घर जाई ।
आवड़ रा अवतार माँ चारण कुल में आई ।
देशनोक में मंदिर बणीयो पुजे है जग सारो ।।
करुणामयी किनयाणी मोटो आसरो है थारो
माँ आसरो है थारो…..
दे दर्शन हे डाढाली माँ जन्म सुधारों म्हारो ।।

दुर देशा रा जातरू माँ पगा उबाणा आवे ।
ककर ने कंचन कर दे मां करणी नाम कहावे ।
मंढ देशाणो चमाचम चमके नवराता में थारो ।।
करुणामयी किनयाणी मोटो आसरो है थारो
माँ आसरो है थारो…….
दे दर्शन हे डाढाली माँ जन्म सुधारों म्हारो ।।

शेखा री सहाय सिन्ध में झगड़ू री जहाज तिराया ।
दुष्ट कान ने मारीयो मां रिडमल राज दिराया ।
लाखन ने जमपुर सुँ लाया हरखो कडूम्बो सारो ।।
करुणामयी किनयाणी मोटो आसरो है थारो
माँ आसरो है थारो…….
दे दर्शन हे डाढाली माँ जन्म सुधारों म्हारो ।।

करणी जी रो आसरो मन मन करणी गावे
एक दीयो विश्वास रो मन माहीं जगतो जावे
राजू दवारे आय पड़यो मां अब तो पार उतारो ।।
करुणामयी किनयाणी मोटो आसरो है थारो
माँ आसरो है थारो…….
दे दर्शन हे डाढाली माँ जन्म सुधारों म्हारो ।।

✍🏻 राजेन्द्र सिंह कविया “राजू” 🌹