अद्भुत परचो आपरो माँ मनडो गाय रयो है

अद्भुत परचो आपरो माँ मनडो गाय रयो है

आई आरती नाम की इक कन्या ले अरदास
रोग असाध्य जलम से माँ बच्या नही कछु सांस
आप सरण पितु संग में आई ,और न साय रयो है
अद्भुत परचो आपरो माँ मनड़ो गाय रयो है….

देश विदेश तणा माँ वेदक करिया अंत उपाय
हिरदे मांहि छेद बड़ो है सांस लिया न जाय
चलती ना माँ कुछ भी दूरी मन घबराय रयो है
अद्भुत परचो आपरो माँ मनड़ो गाय रयो है

जैसे दास सुमेर जीवायो इंद्र मात अविलम्ब
काढयो कूप दुबतो करणी झट अंडो जगदम्ब
उनविध आज आरती ने मा जीवनदान दियो है
अम्बे अद्भुत परचो आपरो माँ मनड़ो गाय रयो है

वैध विज्ञान तणी माँ वाणी थूं बदली खिड़याण,
लाजे नही लोक में थारो विरद कही धनियाण,
श्री करणी सुखधाम भगत रे हिरदे भाय रयो है
अम्बे अद्भुत परचो आपरो माँ मनड़ो गाय रयो है

दयामयी प्रकाश मात थारे विश्वास पे नैया
मैया मेरी डूबती इस नाव की थूं खिवैया
चिरजा चरण विराज चढावे मन स्यु गाय रयो है
अम्बे अद्भुत परचो आपरो माँ मनडो गाय रयो है